Nazam BeNisha by Mahrukh zaidi

بے نشان

یہ ضرورتوں کے رشتے 

یہ بناوٹی محبت

یہ رواروی کی دنیا 

جہاں ہر نگاہ نشتر 

جہاں لفظ تازیانے

یہاں پیار ایک ناٹک 

جیوں بھی تو کس بہانے 

ہے وباء کی موت اچھی 

کوئی شکل ہی نہ دیکھے 

نہ گلے لگا کے روۓ

نہ نئے لباس پہنے کوئی تعزیت کو آۓ

نہ ہی گٹھلیوں کا جھنجھٹ

نہ عذاب غسل و میت 

کوئی چار لوگ آئیں 

کسی بے نشاں جگہ پر 

میری بے نشان ہستی 

کا ہر اک نشاں مٹا دیں 

ماہ رخ زیدی