Nazam BeNisha by Mahrukh zaidi
بے نشان یہ ضرورتوں کے رشتے یہ بناوٹی محبت یہ رواروی کی دنیا جہاں ہر نگاہ نشتر جہاں لفظ تازیانے یہاں پیار ایک ناٹک جیوں بھی تو کس بہانے ہے وباء کی موت اچھی کوئی شکل ہی نہ دیکھے نہ گلے لگا کے روۓ نہ نئے لباس پہنے کوئی تعزیت کو آۓ نہ ہی گٹھلیوں کا جھنجھٹ نہ عذاب غسل و میت کوئی چار لوگ آئیں کسی بے نشاں جگہ پر میری بے نشان ہستی کا ہر اک نشاں مٹا دیں ماہ رخ زیدی
mahrukh zaidi urdu poetry
کچھ اشعار مارخ زیدی کی ڈائری سے وقت گزرا تو گزر آۓ ہر اک مشکل سے وہ محبت جو چھپا رکھی تھی دل میں نہ رہی تیرے ابرو کے خدو خال نے آزاد کیا وہ جو دلچسپی تھی رخسار کے تل میں نہ رہی آج کا ٹا ہے میرا فون ترسنا کل سے میرے نمبر سے تمھیں کال نہیں آۓ گی اس قدر جاگے ہوئے تھے ہجر میں وصل کی شب صبح تک سوتے رہے۔
میں بھی اب وہ نہیں رہا لیکن
نظم میں بھی اب وہ نہیں رہا لیکن تمُ کو تو وقت کھا گیا جیسے یا کسی حادثے نے مار دیا یا کسی بےرحم نے لوٹ لیا نہ وہ ابرو نہ وہ سیاہ زلفیں جن پہ مرتی تھی شب اماوس کی نہ وہ آنکھیں جو ٹمٹماتی تھیں دیکھ کر مجھکو ڈوب جاتی تھیں نہ وہ ہونٹوں میں اب رہی سرخی نہ وہ باتوں میں اب بچی شوخی چال میں بھی عجب تھکاوٹ ہے مسکراہٹ میں بھی ملاوٹ ہے وسوسے مجھکو مارے جاتے ہیں جانے کیا کیا خیال آتے ہیں کیا کسی نے دیا ہے زخم تمھیں یا کہ تقدیر کی ستائی ہو سچ بتاؤ کہاں تھیں اب تک تم شچ بتاؤ کہاں سے آئی ہ…
شب بھر اشک بہانے سے کیا کوئ اپنا بن جاتا ہے
غزل ہلکے ہلکے بہنے والا پانی دریا بن جاتا ہے منزل کی جانب نکلیں تو خود ہی رستہ بن جاتا ہے ۔ میں اور تم جب بھی ہنستے ہیں دیکھ کے اک دوجے کی جانب وہ جو تمہاری کچھ لگتی ہے اسکا چہرہ بن جاتا ہے۔ یا تو دماغی خلل ہے میرا یا پھر رات کی سازش ہے دو پل جب بھی چاند کو دیکھوں انکا خاکہ بن جاتا ہے۔ میں نے تو سچ ہی بولا ہے تیری مرضی مان نہ مان قسمیں وسمیں کھانے سے بھی بندہ جھوٹا بن جاتا ہے ۔ پیار کا بندھن کچھ نہیں ہوتا یہ سب اک سمجھوتا ہے ساتھ نبھانا ڈھونگ رچانا عمر کا حصہ بن جاتا ہے ۔ شاعر بھی پاگل ہوتے ہیں…
معاملہ شک نہیں یقین کا ہے
غزل معاملہ شک نہیں یقین کا ہے سانپ میری ہی آستین کا ہے نا تو پانی کا نہ ہواؤں کا آدمی جانور زمین کا ہے ۔ میں کسی اور کی پری وِش ہوں وہ کسی اور ماہ جبین کا ہے ۔ روٹی ،کپڑا، مکان کے نعرے اب بھی جھگڑا تو صرف تین کا ہے ۔ وہ سپیرا ہی اسکو پکڑے گا سانپ دیوانہ جسکی بین کا ہے ۔ گھر خدا کا دلیل ہے خود ہی ہے مکاں تو کسی مکین کا ہے ۔ لومیناتی (luminati)تو اس جہان کے ہیں میرا مولا تو عالمین کا ہے ۔ میں تو ح حق کی بات کرتی ہوں شک میں سارا شرر ہی ش کا ہے ۔ ما ہ رخ یوں تو ہوں میں سادہ…
سب محبت کی چال بازی ہے
غزل سب محبت کی چال بازی ہے جسم زخمی ہے روح راضی ہے میری برباد یوں کی قصے میں آپکی بھی کرم نوازی ہے ہوگئے کیوں نفی میں ہم تقسیم یہ جمع خرچ بس ریاضی ہے ہم تو تھا ، تھے بھی کر نہیں سکتے حال جیسا ہے ویسا ماضی ہے چوٹ جو دل پہ کھائی تھی ما ہ رخ اب بھی گہری ہے اور تازی ہے ۔ ما ہ ر خ زیدی
جو میرا تھا ہی نہیں اس سے نبھانا کیا تھا
غزل جو میرا تھا ہی نہیں اس سے نبھانا کیا تھا روٹھنا کیا تھا میرا اسکا منانا کیا تھا کوئی احساس تعلق میں کہیں تھا ہی نہیں روگ تھا روگ اسے جوگ بنانا کیا تھا جہاں الفاظ کے نشتر ہی بنیں ایزا رساں زخم دینے کو وہاں۔ ہاتھ اٹھانا کیا تھا وہ مجھے لینے بھی آتا تو نہ جاتی ہر گز چھوڑے گاؤں کی طرف لوٹ کے جانا کیا تھا رو برو رہ کے جو قائل نہیں کر پایا تھا ایسے انسان کا پھر فون اٹھانا کیا تھا ہر خسارہ میری قسمت سے جڑا تھا ما ہ ر خ پھر محبت کی تجارت میں کمانا کیا تھا ما ہ رخ زیدی
میرے پاس لوٹ آۓ
میرے پاس لوٹ آۓ غم زندگی سے کہنا کہ کسی کو نہ ستاۓ میرے پاس لوٹ آۓ ۔ یہ زمیں میری نہیں ہے یہ جہاں میرا نہیں ہے میرا کوئی یاں نہیں ہے مجھے چھوڑ کر نہ جائے غم زندگی سے کہنا میرے پاس لوٹ آۓ ۔ کسی سے نہیں کہا ہے جو ستم ہوا سہا ہے جو ملا وہ بےوفا ہے تو میرا ہے سب پراۓ غم زندگی سے کہنا کہ نہ اور آزماۓ میرے پاس لوٹ آۓ ۔ جو یہ رات ڈھل گئی تو جو یہ رت بدل گئی تو میری جاں نکل گئی تو کوئی ہو جا لاش اٹھاۓ غم زندگی سے کہنا کہ یہ فرض بھی نبھاۓ میرے پاس لوٹ آۓ ۔ ماہ رخ زیدی���…
قرنطینہ تمہارا شکریہ
قرنطینہ تمہارا شکریہ! قرنطینہ تمھارا شکریہ ہے کہ اب اقرار بڑھتا جا رہا ہے ہمارا پیار بڑھتا جا رہا ہے۔ ہمیشہ سے گلہ تھا مجھکو تم سے کہ تم دیتے نہیں ہو دھیان مجھ پر یہ نہ سوچا کبھی میں نے کہ تمکو کبھی دفتر پہنچ جانے کی جلدی کبھی دفتر سے گھر آنے کی جلدی کبھی امی کے ڈر سے چپ ہی رہنا کبھی بچوں کے آگے کچھ کہنا قرنطینہ میں جب سے آۓ ہم تم بہت اظہار بڑھتا جا رہا ہے ہمارا پیار بڑھتا جا رہا ہے ۔ گلہ اک اور یہ بھی تھا صدا سے کہ موبائل میں تم رکھتے نہیں تصویر میری یہ نہ سوچا کبھی میں نے کہ تم ن…
Follow Us